ക്വാണ്ടം അത്ഭുതങ്ങൾ കൺമുന്നിലെത്തിച്ച കണ്ടുപിടുത്തത്തിന് ഭൗതികശാസ്ത്ര നോബൽ

we explore the fascinating story behind the 2025 Nobel Prize in Physics awarded to John Clarke, Michel H. Devoret, and John M. Martinis. Their groundbreaking discovery proved that the strange quantum rules of atoms also apply to macroscopic, visible systems.

ക്വാണ്ടം അത്ഭുതങ്ങൾ കൺമുന്നിലെത്തിച്ച കണ്ടുപിടുത്തത്തിന് ഭൗതികശാസ്ത്ര നോബൽ
നോബൽ സമ്മാനം കിട്ടിയ മൂവർ സംഘം

2025-ലെ ഭൗതികശാസ്ത്ര നോബൽ സമ്മാനം ജോൺ ക്ലാർക്ക്, മൈക്കിൾ എച്ച്. ഡെവോറെറ്റ്, ജോൺ എം. മാർട്ടിനിസ് എന്നിവർക്ക്. നാല് പതിറ്റാണ്ട് മുൻപ്, 1985-ൽ നടത്തിയ, ശാസ്ത്രലോകത്തെ മാറ്റിമറിച്ച ഒരു കണ്ടുപിടുത്തത്തിനാണ് ഈ പുരസ്കാരം. ക്വാണ്ടം ലോകത്തിലെ വിചിത്ര നിയമങ്ങളായ ക്വാണ്ടം ടണലിങ്ങും, ക്വാണ്ടൈസേഷൻ ഓഫ് എനർജിയും ആറ്റങ്ങളെപ്പോലുള്ള സൂക്ഷ്മകണങ്ങളിൽ മാത്രമല്ല, നമ്മുടെ കണ്ണുകൊണ്ട് കാണാൻ കഴിയുന്നത്ര വലിയ ഇലക്ട്രിക് സർക്യൂട്ടുകളിലും സംഭവിക്കുമെന്ന് അവർ ആദ്യമായി പരീക്ഷണത്തിലൂടെ തെളിയിച്ചു. അതിശീതാവസ്ഥയിലേക്ക് തണുപ്പിച്ച ഒരു സൂപ്പർകണ്ടക്ടിങ് സർക്യൂട്ട് (superconducting circuit) ജോസഫ്സൺ ജംഗ്ഷനും ഉപയോഗിച്ച്, അവർ ഒരു 'കൃത്രിമ ആറ്റം'(artificial atom) നിർമ്മിച്ചു. കോടിക്കണക്കിന് കണങ്ങൾ ഒരൊറ്റ ക്വാണ്ടം വസ്തുവായി പെരുമാറുന്ന ഈ സംവിധാനത്തെ നിയന്ത്രിക്കാനും അതിൻ്റെ ക്വാണ്ടം സ്വഭാവം അളക്കാനും അവർക്ക് സാധിച്ചു. ഈ കണ്ടുപിടുത്തമാണ് 'രണ്ടാം ക്വാണ്ടം വിപ്ലവ'ത്തിന് തിരികൊളുത്തിയത്. ഇന്ന് ഗൂഗിളും ഐബിഎമ്മും നിർമ്മിക്കുന്ന ക്വാണ്ടം കമ്പ്യൂട്ടറുകളുടെ അടിസ്ഥാനമായ ക്യുബിറ്റുകളുടെ (Qubit) പിറവിക്ക് പിന്നിലെ അടിസ്ഥാനശില ഈ ഗവേഷണമാണ്. സൂക്ഷ്മമായ ക്വാണ്ടം ലോകവും നമ്മുടെ സ്ഥൂല ലോകവും തമ്മിൽ ഒരു വലിയ മതിലില്ലെന്നും, മറിച്ച് നമുക്ക് തുറന്നുപയോഗിക്കാവുന്ന ഒരു വാതിലാണുള്ളതെന്നും ഈ മൂവർസംഘം തെളിയിച്ചു.

JithinRaj
Creator, JR Studio Malayalam · JR Unfold · Jithinraj Youtube Channels

JR Studio Malayalam ( Science )- https://youtube.com/@jrstudiomalayalam

Jithinraj ( Case Studies ) - https://youtube.com/@jithinraj

JR Unfold - (Life lessons and learning coach ) - https://youtube.com/@jrunfold

Note - I have a course that helps you boost your confidence. If you like, feel free to check it out - https://jrstudioedu.exlyapp.com/offer/how-to-speak-confidently