ചാരത്തിൽ നിന്ന് ചിന്തയിലേക്ക്: നമ്മുടെ ഉള്ളിലെ അതിജീവനത്തിന്റെ കഥ
ഒരിക്കൽ നിങ്ങളുടെ കൈകളിലേക്ക് നോക്കൂ. അംബരചുംബികൾ പണിയുന്ന ഈ കൈകളുടെ അടിസ്ഥാന രൂപം, 66 ദശലക്ഷം വർഷം മുൻപ് ഒരു ലോകം ചാരമായപ്പോൾ, അതിജീവിക്കാൻ ഒരു മരത്തിൽ അള്ളിപ്പിടിക്കാൻ വേണ്ടി രൂപപ്പെട്ടതാണ്. ഇത് വെറും സങ്കൽപ്പമല്ല, ഫോസിലുകളിലും തന്മാത്രകളിലും കുറിച്ചുവെച്ച ശാസ്ത്രീയ സത്യമാണ്.
പരിണാമം നാം കരുതുന്നതുപോലെ, കുരങ്ങിൽ നിന്ന് മനുഷ്യനിലേക്കുള്ള ഒരു കോണിപ്പടിയല്ല, മറിച്ച് പല ദിശയിലേക്ക് പടർന്ന ഒരു ഭ്രാന്തൻ മരമാണ്. അതിന്റെ ഒടിഞ്ഞുപോകാത്ത ഒരു ശാഖ മാത്രമാണ് നമ്മൾ. അതുകൊണ്ടുതന്നെ, നമ്മൾ ഇന്നത്തെ കുരങ്ങന്മാരിൽ നിന്ന് നേരിട്ട് വന്നവരല്ല. മറിച്ച്, നമുക്കും ഇന്നത്തെ ചിമ്പാൻസികൾക്കും ലക്ഷക്കണക്കിന് വർഷങ്ങൾക്ക് മുൻപ് ഒരു പൊതുവായ പൂർവ്വികൻ ഉണ്ടായിരുന്നു. നമ്മൾ ഒരേ കുടുംബത്തിലെ, വ്യത്യസ്ത വഴികളിലൂടെ സഞ്ചരിച്ച 'കസിൻസ്' ആണ്.
ദിനോസറുകളുടെ പതനത്തോടെ ഒഴിഞ്ഞുകിടന്ന ലോകത്തേക്ക് നമ്മുടെ സസ്തനി പൂർവ്വികർ ഇരച്ചുകയറി. ചിലർ കടലിൽ തിമിംഗലങ്ങളായി, മറ്റു ചിലർ പുൽമേടുകളിൽ കുതിരകളായി, നമ്മുടെ സ്വന്തം പൂർവ്വികർ മരക്കൊമ്പുകളിലെ പ്രൈമേറ്റുകളായും മാറി. ആ ഭയന്നുവിറച്ച കുഞ്ഞൻ ജീവിയിൽ നിന്ന്, പ്രപഞ്ചത്തെക്കുറിച്ച് അത്ഭുതപ്പെടുന്ന നമ്മളിലേക്കുള്ള അവിശ്വസനീയമായ യാത്രയുടെ കഥയാണ് പരിണാമം.
JithinRaj
Creator, JR Studio Malayalam · JR Unfolds · Jithinraj Youtube Channels
JR Studio Malayalam ( Science )- https://youtube.com/@jrstudiomalayalam
Jithinraj ( Case Studies ) - https://youtube.com/@jithinraj
JR Unfolds - (Life lessons and learning coach ) - https://youtube.com/@jrunfolds
Note - I have a course that helps you boost your confidence. If you like, feel free to check it out - https://jrstudioedu.exlyapp.com/offer/how-to-speak-confidently
Comments ()